पंजाबच्या लुधियानात इंडो अमेरिकन हॉटेलमधील रुम नंबर २०३ मध्ये अमित त्याची प्रेयसी रेखा दुपारी साडे बाराच्या सुमारास पोहोचले. अमितनं त्याची ओळखपत्रं दाखवून रुम बुक केली होती. सुरुवातीला दोघांमध्ये नेहमीसारखा संवाद झाला.
अमित एम्ब्रॉयडरीचं काम करतो. त्यामुळे त्याच्याकडे कायम एक कटर असतो. तर रेखा विवाहित होती. तिला दोन मुलं आहेत. पण पतीसोबत पटत नसल्यानं ती वेगळी राहत होती. ती नर्सिंगचं काम करायची. हॉटेलच्या खोलीत शरीर संबंध ठेवताना अमितनं त्याच्याकडे असलेलं कटर बाजूला ठेवलं होतं.
शरीर संबंध ठेवत असताना रेखानं अमितकडे लग्नाचा विषय काढला. अमितनं विषय टाळला. पण रेखा ऐकायला तयार नव्हती. अमितला रेखासोबत लग्न करायचं नव्हतं. शरीर संबंध ठेवताना अमितनं रेखाला त्याच्याबद्दल माहीत नसलेली एक महत्त्वाची गोष्ट सांगितली. यानंतर रेखाचा पारा चढला.
अन्य एका तरुणीशी माझा साखरपुडा झाला आहे. कुटुंबियांच्या सांगण्यावरुन माझं लग्न ठरलं आहे. त्यामुळे मला आता लग्न करावं लागेल, असं अमितनं रेखाला सांगितलं. त्यानंतर रेखा प्रचंड संतापली. वाद वाढला. तिनं शिवीगाळ सुरु केली. शेजारीच असलेल्या कटरनं तिनं अमितच्या गुप्तांगावर वार केला. त्यात अमित गंभीर जखमी झाला.
रेखा दुसऱ्यांदा वार करण्याच्या तयारीत असताना अमितनं तिचा हात अडवला. तिच्या चेहऱ्यावर ठोसे लगावण्यास सुरुवात केली. तिच्या नाकातोंडातून रक्तस्राव सुरु झाला. अमितनं तिला जमिनीवर आपटलं. तिचा गळा दाबला. रेखाचा श्वास पूर्णपणे थांबला. तिचा मृत्यू झाला.
रेखाची हत्या केल्यानंतर अमितनं पँट चढवली आणि तो घाईघाईत निघाला. जेवण आणायला जात असल्याचं त्यानं हॉटेल कर्मचाऱ्यांना सांगितलं. तेव्हा त्यांना संशय आला. अमितनं थेट सीएमसी रुग्णालय गाठलं. तिथल्या डॉक्टरांनी त्याला पीजीआयला रेफर केलं. सध्या त्याच्यावर उपचार सुरु आहे.
जेवण आणायला जातो असं सांगायला गेलेला अमित बराच वेळ होऊनही परतला नाही. त्यामुळे हॉटेल कर्मचाऱ्यांला अधिकच संशय वाटू लागला. त्यांनी खोली क्रमांक २०३ मध्ये जाऊन पाहिलं. तेव्हा तिथे बेडवर रेखाचा मृतदेह अर्धनग्न अवस्थेत सापडला. घटनेची माहिती पोलिसांना देण्यात आली.
#punjab #ludhiana #hotels #news #marathinews #viral #instagram #facebook #socialmedia
0 टिप्पणी(ण्या)
टिप्पणी पोस्ट करा